‘a seggia
‘A primma pazziella
ca cchiù te piace e ca te dà cchiù gioia…
e ca pirciò t’ ‘a danno
… è ‘a siggiulella.
Tiene n’anno
e capisce ch’è ‘a toja.
Nun parle ancora,
e pure:
guaie chi ‘a tocca.
Tutt’ ‘a stessa mesura,
no una chiara e una scura:
songo tutte tantelle
‘ e ssiggiulelle
d”e piccerille e d”e piccerenelle.
Pò addeventa siggione,
pò se trasforma a sseggia;
e nun t’ ‘a danno cchiù:
te ll’j’ a piglià.
Ma nun songo cchiù eguale,
nonzignore.
Ce sta chella mpagliata,
lucida ‘e pulitura,
mpellicciata
e allustrata;
e chella adderittura
c’ ‘a spallera ndurata,
tapezzata ‘e velluto.
Dint’ ‘a cantina
o ncopp’ ‘o Tribunale,
addò s’assett’ ‘a Legge;
dint’ a nu vascio, dint’ a dò barbiere,
a Palazzo Riale,
dint’a dò pasticciere,
ce truov’ ‘e seggie.
E mmiez’ ‘e seggie, ‘a seggia,
chella ca tu vulisse:
‘a pazziella
d”e piccerille
gruosse.
Eduardo De Filippo (Napoli, 24 maggio 1900 – Roma, 31 ottobre 1984), è stato un drammaturgo, attore, regista, sceneggiatore, poeta, paroliere italiano. Viene riconosciuto come uno degli attori, parolieri e poeti italiani più importante di sempre, erediterà dal padre il grande talento della recitazione, come i fratelli Peppino e Tina. Il 24 maggio del 1900 nasceva a Napoli, Eduardo De Filippo da il celebre attore Eduardo Scarpetta e della sarta teatrale Luisa De Filippo. Muore il 31 ottobre del 1984 a Roma.
